Хүннүгийн амьтны загварт урлагийн бүтээлийг хатуу зөөлөн эдээр урлаж ирсний нэгэн жишээ бол Төв аймгийн Батсүмбэр сумын нутаг Ноён уулан дахь хүннүгийн язгууртны булшнаас илэрсэн зээгт хатгамал бүхий эсгий ширдэг юм. Энэхүү ширдэг нь нүүдэлчдийн дүрслэх урлагийн хосгүй дурсгалын нэг юм.

Монгол улсын төрийн далбаан дээр байрлах, Өндөр гэгээн Занабазарын зохиосон “Соёмбо” цагаан толгойн эхний үсэг болох “Соёмбо” үсэгний утга бэлгэдлийг тайлбарлан таниулсан “Алтан соёмбо” Боловсролын хөтөлбөрийг хүүхэд багачууддаа танилцуулж байна. Та бүхэн гэр бүлээрээ хамтран нааж, будаж “Алтан соёмбо” бүтээгээрэй.

Монголын Үндэсний Музей жил бүр эрхлэн гаргадаг “Нүүдэлчдийн өв судлал” сэтгүүлдээ эрдэм шинжилгээ судалгааны өгүүлэл авч эхэлж байна. Тус сэтгүүл нь 2020 оны 6 дугаар сард хэвлэгдэн гарах тул эрхэм судлаач эрдэмтэн нар 4 сарын 1-ны дотор судалгааны бүтээлээ ирүүлэхийг урьж байна. Тус сэтгүүлд эртний судлал, түүх судлал, угсаатан судлал болон соёл урлаг судлал чиглэлээр эрдэм шинжилгээ судалгааны бүтээл нийтлэх бөгөөд дараах шаардлагыг хангасан байхыг хүсч байна.

Монголын Үндэсний Музей нь монголчуудын түүх соёлын өвийг хадгалж хамгаалах, үзэгч олон нийтэд сурталчлан таниулах, сан хөмрөгийг баяжуулах эрхэм үүргээ амжилттай гүйцэтгэсээр ирсэн билээ. Музейн сан хөмрөгийг хэрхэн баяжуулсан байдлыг гурван жил тутам зохион байгуулдаг “Шинэ үзмэрийн дээжис” хэмээх үзэсгэлэнгээр дамжуулан тав дахь удаагаа тайлагнаж байна. Энэ удаагийн үзэсгэлэнд 2017-2019 оны хооронд музейн сан хөмрөгт шинээр бүртгэн авсан 227 дэсийн 604 үзмэрийг цогц байдлаар анх удаа дэлгэн үзүүлж үзэгчдийнхээ мэлмийг мялааж байна.

Монгол төрийн нэрт зүтгэлтэн, Түр Засгийн ерөнхийлөн захиран шийтгэгч яамны Тэргүүн сайд

Монгол Улс, БНХАУ-ын хооронд дипломат харилцаа тогтоосны 70 жилийн ой 2019 оны 10 дугаар сарын 16-ны өдөр тохиож буй энэ өдөр Монголын Үндэсний музей, БНХАУ-аас Монгол улсад суугаа Элчин сайдын яам, Улаанбаатар хот дахь Хятадын соёлын төвтэй хамтран тус музейн сан хөмрөгт хадгалагдаж буй Монгол, Хятадын харилцаа болон Хятадын түүх соёлтой холбогдох үзмэрүүдээс бүрдсэн “НАЙРАМДАЛ, ХАМТЫН АЖИЛЛАГАА- СОЁЛЫН ДУРСГАЛУУД” хэмээх үзэсгэлэнг дэглэж та бүхэнд толилуулж байна.

Эрдэм шинжилгээний хурал Монголын Үндэсний музейд 2019 оны 12 дугаар сарын 16-ны өдөр болно. 

Шинэ үзэсгэлэн нээлтээ хийнэ.

Бүгд Найрамдах Польш Улсаас Монгол Улсад суугаа Элчин сайд Кшиштоф Бойко, Бээжин дэх Польшийн Соёлын төв хамтран "Дэлхийн II дайны үеийн Польшийн ард түмний тэмцэл ба тэдний хатан зориг"  сэдэвт гэрэл зургийн үзэсгэлэн Монголын Үндэсний музейн үзэсгэлэнгийн танхимд 2019 оны 9 дүгээр сарын 24-нөөс 10 дугаар сарын 6-ны өдрүүдэд олон нийтэд нээлттэй ажиллана.  

Монголын Үндэсний музей, АНУ-ын Питсбургийн их сургууль, Америкийн Монгол Судлалын төвтэй хамтран Дархадын хотгорын сав нутагт археологийн судалгааны “Умард Монгол” төслийг хамтран хэрэгжүүлдэг. Төслийн багийн эрдэмтдийн энэ зуны малтлагын үр дүнд дэлхийн археологийн шинжлэх ухаанд нээлт болохуйц, Монголын эзэнт гүрний язгууртнуудад холбогдох цоо шинэ олдворуудыг нээлээ.

   Монголын Үндэсний музей, АНУ-ын Питсбургийн их сургууль, Америкийн Монгол Судлалын төвтэй хамтран Дархадын хотгорын сав нутагт археологийн судалгааны “Умард Монгол” төслийг хамтран хэрэгжүүлдэг. Төслийн багийн эрдэмтдийн энэ зуны малтлагын үр дүнд Дэлхийн археологийн шинжлэх ухаанд нээлт болохуйц, Монголын эзэнт гүрний язгууртнуудад холбогдох цоо шинэ олдворуудыг нээлээ.

Халх гол, Ялалтын 80 жил" үзэсгэлэнгийн нээлтийн ажиллагаа боллоо. Үзэсгэлэнд тус музейн сан хөмрөгөөс 80 орчим биет үзмэр, ОХУ-ын Бүгд Найрамдах Буриад улсын Үндэсний музейгээс гэрэл зураг, архивын баримтыг зургаар харуулсан тайлбар бичвэр бүхий үзүүлэнт самбарууд үзмэрт тавигдсан юм.

Монгол Улсын Шинжлэх Ухааны Академийн Түүх, археологийн хүрээлэн, Монголын Үндэсний Музей болон Солонгосын Үндэсний музейн хамтран хэрэгжүүлж буй “Мон-Сол” эрдэм шинжилгээний төслийн “Дуурлиг нарсны Хүннүгийн дурсгал” үзэсгэлэн 2019 оны 8 дугаар сарын 8-ны өдөр Хэнтий аймгийн Баян-Адрага сумын Соёлын төвд нээлтээ хийлээ.

Монгол Улсын  Засгийн газрын 2018 оны 7 дугаар сарын 4-ний өдрийн 210 дугаар тогтоолоор “...Ахмад дайчдын гавьяа, зүтгэлийг алдаршуулан мөнхжүүлэх, Оросын Холбооны Улстай тогтоосон найрсаг харилцаа, хамтын ажиллагаа, ард түмний харилцан ойлголцлыг бэхжүүлэх зорилгоор” Халхын голын 1939 оны байлдааны ялалтын 80 жилийн ойг 2019 онд тэмдэглэн өнгөрүүлж байна. Уг түүхт ойд зориулан Монголын Үндэсний музей, ОХУ-ын Бүгд Найрамдах Буриад улсын Үндэсний музейтэй хамтран “Халхын гол, Ялалтын 80 жил” тусгай үзэсгэлэнг олон нийтэд толилуулж байна.

Монгол Улсад орчин цагийн музей үүсч хөгжсөний 95 жилийн ой, "Музейтэй Монгол" аян, "Музей ба хөгжил 2019" чуулганд зориулан Монголын Үндэсний музей нь “Музейн мэдээлэл” сэтгүүлийн тусгай дугаар №15 эрхлэн гаргахаар бэлтгэж байна. Энэхүү тусгай дугаарт Эрхэм музейчид та бүхэн дараах агуулга, шаардлага хангасан материалаа 08 дугаар сарын 12-ны дотор багтаан chimgeee0112@gmail.com и-мэйл хаягаар ирүүлнэ үү.

Соёл, урлагийн бодлогын газраас Монголын үндэсний музейд ажиллалаа

Дарьганга мөнгөн урлалын "Нандин өв" тусгай үзэсгэлэнд тавтай морилно уу.

Музейн гадна пасад засварын үнийн санал авах урилга

Монголын өндөрлөгийн өмнөд хэсэг өнөөгийн БНХАУ-ын ӨМӨЗО-ны нутгаар нутаглаж 10-р зуунд хүчирхэгжин асан эртний түүх, Хятанчуудын соёлын өвийг дэлгэн буй “Хятан Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэнд тавтай морилохыг урьж байна.

Монгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.